Tur til Mardalstjønna og Mardalsfossen

Søndagstur til Mardalstjønna og toppen av Mardalsfossen. Dei fleste har vel sett den flotte Mardals-fossen nede frå Eikesdalen, men som mange andre har eg aldri vore oppe på fjellet der fossen starter. Dette var meir som ein lang biltur med ein liten times gangtur frå vegen ned til Mardalsfossen. Det er ikkje så godt å sjå sjølve fossen herifrå på grunn terrenget. For ei god utsikt til Mardalsfossen anbefales å køyre inn til enden av anleggsvegen ved Nedste Mardalsvatnet og så gå tilbake ca 1.5 km langs Ytste Mardøla. Her ser ein rett over til Mardalsfossen, men den er ca 1.5 km unna. Vår tur gjekk ned til Mardalstjønna og vidare på sti på vestsida av tjønna fram til enden der Mardøla starter og Mardalsfossen er. Denne turen er ca 1.7 km lang (3.4 km tur / retur) og med ein høgdeforskjell på kun 52 m.  Mardalstjønna ligg på 945 moh og høgaste punkt på turen var på 997 moh. Dette var ein familietur og  med Silje ( 2 1/2 år) som ville gå mesteparten av turen sjølv tok det ca 1 time og 10 minutt tid å gå. Returen gjekk på litt under 1 time med Silje i bæremeis. Ho sovna på turen tilbake, så derfor gjekk turen litt raskare. Vi hadde også eit lengre opphold med innlagt huleklatring for Martin og meg før retur til bilen.

Bilturen frå Nesjestranda til Sandgrovbotn tok ca 2 timer. Anleggsvegen til Sandgrovbotn tek av på Brude øverst i Romsdalen ( i Lesja Kommune) og er ikkje merka, så det anbefales å sjekke kartet før ein starter. Anleggsvegen er gratis å køyre og var i grei stand etter oppussing for nokre år sidan.

Heile dette området er del av Dalsida Landskapsvernområde. Som bildene viser er vegetasjonen ganske karrig sidan vi er oppe i ca 1000 m. Været var på sitt beste, nesten for varmt for fjelltur med temperaturer opp mot 30 grader i heile fylket.

 

Tek med litt informasjon om Mardalsfossen frå mitt blogginnlegg datert 12-Jul-2013 :

 

"Elva og fossen vart regulert i 1974. No er det slik at Mardalsfossen er "skrudd på" kun 2 månader kvar sommer, frå 20/6 - 20/8. Dette er konsesjonsbestemt og er gjort for at vi som turister skal få oppleve denne flotte fossen. Fossen er ein såkalla stupfoss som egentleg består av 2 stupfosser. I henhold til NVE og SSB (Statistisk Sentralbyrå)har fossen ein høgdeforskjell på 705 m, den øverste og høgaste stupfossen er 250 m i fritt fall. Toppen av fossen er på 945 moh. Mardøla renn ut frå den regulerte Mardalstjønna rett innafor der fossen starter. Det er litt motstridande opplysninger om Mardalsfossen. Nettstedet World waterfalls.com opererer med ein høgdeforskjell på 657 m og fritt fall på 358 m. Mardalsfossen er uansett regna for å vere ein av dei finaste fossane i verda."

Tur til Mardalstjønna i Mardalsbotn, Nesset Kommune, 20.07.14.

 

Alf og Silje på tur til Mardalstjønna i bakgrunnen. 20.07.14.  Foto : Anne Torill.

Ida og Martin ved den vesle hytta til Statkraft ved bredden av Mardalstjønna, 945 moh. 20.07.14.



Martin på eit utsiktspunkt på stien langs Mardalstjønna.

Anne Torill og Silje på stien langs Mardalstjønna. 20.07.14.

Mardøla kaster seg utfor fjellet og danner Mardalsfossen. 20.07.14.

Frå toppen av Mardalsfossen ser vi ned i Mardalen. Vi ser også toppen av den nederste fossen. 20.07.14.

Sola skin nede i Mardalen, mens Mardalsfossen ligg i skugge. 20.07.14.

Øverste fossen i Mardalsfossen er såvidt synleg frå kanten av stupet. 20.07.14.

For folk utan høgdeskrekk er det mulig å sjå toppen av Mardalsfossen. 20.07.14.

Bloggeren prøver å ta bilder av Mardalsfossen ovanfrå. 20.07.14. Foto : Anne Torill.
På dette bildet ser vi mykje av Eikesdalsvatnet og dyrka marka nede i Mardalen.

Elva Mardøla går eit kort stykke frå Mardalstjønna før den forsvinn utfor kanten. Vi ser ned mot Eikesdalsvatnet og blant anna fjellet Vikesaksa omtrent midt på bildet. 20.07.14.
 

Matpause ved Mardalstjønna. 20.07.14.

Martin ved Mardalsfossen. Eikesdalsvatnet i bakgrunnen. 20.07.14.

Martin ved Mardøla like ovenfor fossen. I bakgrunnen ser vi Eikesdalsvatnet. 20.07.14.

Alf ved Mardøla like ovenfor fossen. 20.07.14.

Ved Mardøla. 20.07.14.

Martin på stien ved Mardalstjønna på veg tilbake til bilen. 20.07.14.

Ved stien opp frå Mardalstjønna fann vi denne hula. Inngangen er ned til venstre. 20.07.14.

Nokon hadde lagt igjen ei "velbrukt" steikepanne inne i hula. 20.07.14. Fotograf : Martin.

 

Martin er nede i den nederste delen av hula. 20.07.14.

Martin på veg ut av hula. 20.07.14.

Dette er demninga der vatnet til Mardalsfossen åpnes og stenges. 2 luker er åpne. 20.07.14.
Det er konsesjonsbestemt at fossen skal vere "åpen" i turistsesongen frå 20/6 - 20/8 kvart år. Ellers i året er det kun naturleg tilsig frå Mardalstjønna som renn utfor fossen.

Demninga der vatnet til Mardalsfossen åpnes og stenges. Vi skimter Mardalstjønna til venstre i bildet. 20.07.14.

P-plassen der stien til Mardalstjønna starter. 20.07.14.

Ved vegen i Sandgrovbotn fann eg denne vegvisaren som viser turstien til Reitan i Eikesdalen. 20.07.14. (Eg har ingen slektskap til Reitan i Eikesdalen)

Dette skiltet i Sandgrovbotn viser veg til plassen der Mardølaaksjonen foregjekk i 1970. Denne aksjonen var i protest til vasskraftutbygginga som førte alt vatnet vestover mot kraftstasjon i Romsdalen. Utbyggarane vart pålagt å holde Mardalsfossen "åpen" i sommerhalvåret til glede for alle turister og lokalbefolkning.

Det regulerte Storvatnet (1091 - 1070 moh) i Sandgrovbotn. Hytta på bildet står ved det opprinnelege vassnivået. 20.07.14.

Tur til Mardalsfossen

Måtte bruke denne flotte dagen til noko fornuftig. Det var sol og fint ver igjen etter fleire dager med regn og regn og vind er meldt for dei neste dagane også. Vi bestemte oss derfor til å køyre til Eikesdalen og gå den nye turvegen opp til Mardalsfossen. Dette er også eit Stikk UT mål i Nesset Kommune. Starta heimafrå like før kl 12. Ankom P-plassen i Mardalen kl 13:20. Her møtte vi Kari og Arne Gussiås som akkurat hadde komme ned igjen etter tur til Mardalsfossen. Vi visste ikkje om at dei hadde valgt samme turmål som oss i dag. Det var litt av eit sammentreff. Ungane vart svært glade for å treffe besteforeldra.

Turen opp til Stikk UT posten tok ca 30 minutt på fin turveg, til tider bratt for barnevogn, men ingen problem. Turvegen var no lagt til nordsida av elva Mardøla, den gamle turstien gjekk på sørsida. Det var laga ei flott bru over Mardøla eit stykke nedfor fossen. Derifrå var det meir sti enn veg. Litt ovanfor Stikk UT postkassa var det slutt på turvegen og det vart å følge den gamle stien vidare. Vi gjekk eit stykke oppover og det vart meir og meir elveyr og vind frå fossen. Anne Torill og Silje venta, mens Ida, Martin og eg gjekk endå eit stykke nærmare fossen. Vi kom inn i skyggen for sola som sto rett over fossen. Det var derfor svært vanskeleg fotolys med sterkt motlys. Kameralinsa vart også våt av elvedrevet. Vi hadde tatt på oss jakker for å unngå og bli altfor våte, men det viste seg å vere umuleg. Fekk tatt eit par bilder før vi snudde og gjekk ned att. Det var våt og sleip sti og ganske bratt ned til elva. Det er sjølvsagt umuleg å gå heilt inn til nedslaget for den nederste stupfossen, for der er vinden og regnet frå fossen for stort. Einaste fornuftige antrekk så nær fossen er badebukse eller våtdrakt. Vi kom oss ned på turvegen igjen.

Langs turvegen er det satt opp fleire informasjonstavler om naturen og floraen i Mardalen og også ei tavle øverst som viser bilder frå kampen om Mardøla i 1970. Elva og fossen vart regulert i 1974. No er det slik at Mardalsfossen er "skrudd på" kun 2 månader kvar sommer, frå 20/6 - 20/8. Dette er konsesjonsbestemt og er gjort for at vi som turister skal få oppleve denne flotte fossen. Fossen er ein såkalla stupfoss som egentleg består av 2 stupfosser. I henhold til NVE og SSB (Statistisk Sentralbyrå)har fossen ein høgdeforskjell på 705 m, den øverste og høgaste stupfossen er 250 m i fritt fall. Toppen av fossen er på 945 moh. Mardøla renn ut frå den regulerte Mardalstjønna rett innafor der fossen starter. Det er litt motstridande opplysninger om Mardalsfossen. Nettstedet World waterfalls.com opererer med ein høgdeforskjell på 657 m og fritt fall på 358 m. Mardalsfossen er uansett regna for å vere ein av dei finaste fossane i verda.
 

Meir informasjon kan ein finne på Wikipedia : http://no.wikipedia.org/wiki/Mardalsfossen .

Det er også ein bra artikkel i Romsdals Budstikke på siden : http://www.rbnett.no/kortreist/article235728.ece .

God merking ved start på turvegen til Mardalsfossen.

Vi starter på turvegen opp til Mardalsfossen. Denne turen egner seg også for folk med barnevogn.

På turvegen opp Mardalen som gjekk gjennom blant anna almeskog.

På brua over Mardøla. Mardalsfossen i bakgrunnen.

På brua over Mardøla.

Anne Torill og Ida ved Stikk UT kassa. Det er fortsatt eit stykke igjen opp til fossen.

Ved Stikk UT kassa. Vi ser no fossen i bakgrunnen.



Utsikt mot Vestre Mardalen, elva heiter her Ytste Mardøla eller Vestre Mardøla.

Martin og Ida ved plassen der vi snudde. Her var det vått og vindfullt.

Martin og Ida foran Mardalsfossen. Vanskeleg fotoforhold her, kameralinsa vart våt med ein gong.

På tur ned igjen. Vi er fortsatt i den sona der vi blir våte av fossen. Legg merke til regnbuen.

Vi er nede der Anne Torill og Silje venta på oss, her er det fortsatt yr frå fossen.

Ida og Anne Torill på veg ned stien. Sola stod rett over fossen og dette bildet illustrerer problemet med motlys på kameraet.



Siste svingen før brua.

Vi er tilbake på brua over Mardøla.

Mardalsfossen sett frå turvegen i Mardalen

Tyrihjelm var det mykje av langs turvegen i Mardalen.



Ei anna karakteristisk plante i Mardalen var Skogsvinerot. Denne hadde akkurat begynt å blomstre.

Mardalskiosken ved parkeringsplassen. Her var det salg av vafler, is, drikke og varmmat.

Det var mange på besøk i Mardalen denne fine dagen. Også bussen som gjekk i rute frå Eresfjord kom etter at vi var nedkomne.

Nederst i Mardalen ligg den gamle gården Mardalsbøen. Her var det fin utsikt mot Eikesdalsvatnet. Vi ser fjellet Vikesaksa midt i bildet. I høgre kant ser vi foten av fjellet Ågottind.

Mardalsfossen sett frå parkeringsplassen i Mardalen.

Her er toppen av den nederste fossen som starter i eit spretthopp.

Dette er toppen av den øverste fossen. Rett bak kanten ligg Mardalstjønna.

På veg tilbake til Eikesdalen ser vi rett over på fergekaia med turistbåten "Mardøla".

Utsikt mot Mardalen og Mardalsfossen frå vegen på østsida av Eikesdalsvatnet.