Skitur til Mannen og Breitind

"Mannen" i Romsdal har vorte kjent over heile landet dei siste åra. No er vel det området av fjellet som står i fare for å rase kalla for "Veslemannen", for sjølve Mannen står trygt oppe på kanten. Tenkte det var på tide å lage eit lite innlegg med bilder frå min tur til Mannen i 1992. 

Mannen, 1294 moh ligg innerst i Alnesdalen på kanten ned mot Romsdalen. Det er ein skitur på ca 6.7 km frå vegen over Trollstigen og opp til "Mannen". Eg tok pause ved Mannen før eg gjekk vidare rett opp mot toppen av Breitind, 1797 moh. Måtte sette igjen skiene eit stykke oppe i fjellsida og kleiv / klatra  resten av turen opp til toppen av Breitind. Måtte arbeide meg gjennom ein snøskavl for å komme opp på toppen. Gjekk samme vegen ned igjen, fann skiene og gjekk på ski tilbake til vegen eit stykke opp for Trollstigen. Flott tur. På denne tida i 1992 var ikkje "Mannen" kjent som noko rasfarleg område.

Dette var før den digitale tidsalder og bildene er skanna frå papirkopier. Det vart ikkje tatt så mange bilder den gongen som på dagens turer. 

Skitur til Mannen, 02.06.92. Har plassert skiene og ryggsekken ved foten av "Mannen" som står på kanten av stupet ned mot Romsdalen. 

Utsikt opp mot Breitind frå Mannen, 02.06.92.

På toppen av Breitind, 1797 moh. Vi ser mot Trollryggen i Trolltindane.

Selfie på toppen av Breitind, 1797 moh. Bilde tatt med selvutløser i motsol.

Utsikt frå Breitind ned i Romsdalen. Fjellveggen i høgre kant av bildet er Romsdalshorn.

NEG - Marsa Matrouh, Egypt 26-Februar - 30-April 1992

Har i lang tid tenkt å bruke bloggen min til å presentere gamle bilder frå den tida eg jobba for Schlumberger i utlandet. Mange kjentfolk, venner og slekt har lurt på korleis det var å jobbe i "oljå" i utlandet. Begynte å jobbe som feltingeniør for Schlumberger den 01.04.85 etter endt utdanning ved NTH i Trondheim. Utdannelsen var som oljeingeniør med fagområde Petroleum Technology på Berg A avdelinga ved NTH.

Dei første åra jobba eg som feltingeniør i Vest Tyskland, Nederland, Norge, Italia og Skottland.

I begynnelsen av 1992 vart eg overført til Egypt. Ankom Kairo den 13.02.92. Var dei første dagane på basen i Ras Shukheir, men frå 26.02.92 - 30.04.92 jobba eg på Schlumberger-basen NEG (North Egypt) i byen Marsa Matrouh som låg ved Middelhavskysten. Vi jobba i det området av Egypt som er kalla Western Desert og som strekker seg heilt til grensa mot Libya i vest. I Western Desert var det landjobber i ørkenen, men i tillegg hadde vi arbeid på nokre små plattformer utenfor Alexandria. Min jobb var i cased hole logging og brønnservice.

I 1992 hadde Schlumberger 4 baser og eitt distriktskontor i Egypt. Basene var : 
NEG, Marsa Matrouh,  Wireline.
AEG, Abu Rudeis,   Wireline.
SEG, Ras Shukheir,  Wireline.
GEG, Ras Gharib,  Brønntesting.
EMD, Kairo,  East Mediterranean District.

Har fått skanna ein del bilder frå denne tida og dette første innlegget viser eit utvalg av bilder eg tok den første tida i Egypt, mens eg var stasjonert i Marsa Matrouh.

Bildekvaliteten er nok ikkje heilt på dagens nivå sidan dette er skanna papirkopier. Det vart heller ikkje tatt så mange bilder sidan dette var før den digitale tidsalder. Det var heller ikkje alle plasser det var lov å ta med seg kamera. Dette var lenge før begrepet "selfie" var oppfunne, og dei få bildene der eg er med er enten tatt av mine operatører eller tatt med sjølvutløysar.

Har tilbakedatert publisering til 1992 for at innlegget skal komme på rett årstall i bloggarkivet.

På jobb på ein Santa Fe riggen "SF-92"  i Meleiha, Western Desert, Egypt 28-Feb - 1-Mars 1992. Min arbeidsplass var stort sett inne i loggetrucken til Schlumberger, men var også med operatørane og rigga opp og ned utstyr.

Hovedgata i Marsa Matrouh, Egypt 05.04.92. Marsa Matrouh er ein turistby på Middelhavskysten som er brukt som ferieby for egyptere. Det var svært få vestlige personer her, med unntak av dei få som jobba i oljeindustrien.

Schlumberger Explosive Bunker i Salam, Western Desert, Egypt 05.04.92.



Kameler i Western Desert, Egypt 05.04.92. Av og til kunne vi sjå flokker med kameler i ørkenen, slik som her.  Her var det i alle fall litt grønt og muleg for dei å finne mat.



Ved oljefeltet Meleiha i Western Desert 06.04.92. Her brann det olje og gass kontinuerlig - ingen som hadde høyrt om NOx og CO2-utslipp endå.

Kameler i Western Desert, Egypt 07.04.92. Dette er dromedarer, men i Egypt vart desse også kalla kameler sjølv om dei berre har ein pukkel.

Ørkenblomst, Western Desert, Egypt 07.04.92. Dette var vel dei einaste blomstrane eg såg ute i ørkenen. Desse voks rett opp frå sanden.

På biltur i Western Desert, Egypt April 1992.  På veg til jobb i brønnen Obaiyed 1-1. Loggetrucken var allerede på plass og eg køyrde etter i ein pick-up.

Wellsite i Western Desert, Egypt  April 1992
Brønn : Obaiyed 1-1, riggen var  "EDC-9". Oljeselskapet var Bapetco.

Desert truck #9931 på wellsite i Western Desert, Egypt April 1992.   Brønn : Obaiyed 1-1, riggen var "EDC-9". Loggetrucken var ein amerikansk International Transtar II med 6-wheel drive og ekstra store hjul for å kunne køyre i ørken (desert truck).

Desert truck #9931 på wellsite i Western Desert, Egypt April 1992.
Brønn : Obaiyed 1-1, riggen var "EDC-9". Oljeselskapet var Bapetco.

 

Ein kamel krysser vegen. På tur tilbake frå wellsite i Western Desert, Egypr April 1992.

Kameler på vegen er livsfarleg, særleg på kveld og natt når det er mørkt. I Schlumberger hadde vi forbud mot nattkøyring blant anna på grunn av denne faren. Øyene til ein kamel reflekterer ikkje lyset slik som våre hjortedyr, og det er dermed ikkje råd å sjå kamelane før dei dukkar opp i billyset, og då kan det ofte vere for seint.



Torghandel i Marsa Matrouh 26.04.92.

Torghandel i Marsa Matrouh 26.04.92.

Den største moskeen i Marsa Matrouh 26.04.92.

Marsa Matrouh 26.04.92.
Stranda sett frå Hotel Beau Site der eg bodde den første tida.

Torghandel i Marsa Matrouh 26.04.92.

Torghandel i Marsa Matrouh 26.04.92.

Esel-taxi i Marsa Matrouh 26.04.92. Inne i byen var det ikkje lov å drive taxi med bil, her var det kun esel-taxi slik som denne.

Esel-taxi i Marsa Matrouh 26.04.92.

Utenfor min villa i Marsa Matrouh 26.04.92. Etter ei tid på hotell fekk eg egen villa den siste tida av mitt opphold i Marsa Matrouh. Bilen utanfor var den eg disponerte den siste tida i Marsa Matrouh.

Bilen som eg disponerte i NEG, GMC #61, Marsa Matrouh 26.04.92. Dette var ein GMC Sierra pickup med 6.2 liters motor, 4 wheel drive og 3 gir.  Den var utstyrt med VAPS system som ga alarm ved 80 km/t og blåste i hornet ved 85 km/t.

På trappa utenfor min SLB villa i Marsa Matrouh 26.04.92,

Sjekk av PLT-tools etter Q-check, NEG, Marsa Matrouh 27.04.92.

Sjekk av PLT-tools etter Q-check, NEG, Marsa Matrouh 27.04.92. Dette var min plass i godstolen i loggetrucken, bak CSU (Cyber Service Unit) loggesystem.

Sjekk av PLT-tools etter Q-check, NEG, Marsa Matrouh 27.04.92. Med mine to egyptiske operatører Morsi Khamis og Gamal Heikal.

Loggetruck, NEG, Marsa Matrouh 27.04.92. Loggetrucken er av type International Transtar II. Legg merke til ekstrautstyret : Foran på støtfangeren er det krybbe for BOP og skrustikke. Det kvite røret ved døra er ei VHF-teleskopantenne som vi brukte til radio-kommunikasjon ute i ørkenen. Einaste kommunikasjon vi hadde var VHF-radio.

Taxi-holdeplass / parkering for eseltaxi i Marsa Matrouh 30.04.92.

Esel-taxi, Marsa Matrouh 30.04.92.



Ei ku har lagt seg på midtrabatten i ei gate i Marsa Matrouh 30.04.92. Dei få kyrne som eg såg i Marsa Matrouh,  gjekk fritt i gatene og spiste det dei kom over. Dette var min siste tur i sentrum av Marsa Matrouh. No gjekk turen vidare til basen i Abu Rudeis på Sinai-halvøya.

Berging av lastebåten "Beton" etter Nyttårsorkanen 1992

Nyttårsorkanen, natt til 1. nyttårsdag 1992 gjorde stor skade over heile fylket. Mange båter bles på land eller holdt på å havarere. I Molde gjekk det med mange lystbåter i småbåthavna på Tøndergård, men også den store fiskebåten "Inger Hildur" sleit seg og havna i moloen på Tøndergård.

Lastebåten "Beton" frå Molde sleit seg ved kai i Molde og enda opp i fjæresteinane på inste Vardholmen på Bolsøya. "Beton" vart liggande på land til den 9. januar. Denne dagen hadde eg vore ein tur i Molde og var på veg heim igjen om ettermiddagen. Fekk då sjå at det hadde komme ein slepebåt som låg på fjorden utanfor Bolsøya. Stoppa og gjekk ned til Vardholmen der "Beton" fortsatt stod fast i fjæresteinane. Det var tydeleg at det var båtberging på gang.

Det var slepebåten "Mega Mammut" frå Ødegaard Berging i Ålesund som hadde komme for å berge "Beton". Eg vart verande på staden for å sjå på bergingsoppdraget.

Karane frå slepebåten fekk etter ei stund festa slepewire i "Beton". Så vart wiren stramma opp, slepebåten ga gass og slepa eller rykkte "Beton" av grunnen etter framenden.  Det gjekk svært fort og "Beton var tilbake på sjøen utan synbar skade.

Det var kun eg og ein fotograf frå TV-Romsdal som var på Bolsøya og fekk sjå og dokumentert dette bergingsoppdraget.  Etter så mange år er det derfor på tide å vise bildene mine i eit blogg-innlegg. Kan vel kalle det eksklusive bilder.    NB : Klikk på bildene for å sjå større bilder.

Info og historikk "BETON" :

Bygd som "JAN KLÜVER" hos Martin Jansen, Leer, Vest Tyskland i 1962,  Byggenr 50. 42.73 m, 286 brt.   LHKG,
1962-1972 : "JAN KLÜVER", ukjent rederi, Vest Tyskland.
1972-1993 : "BETON", Molde,  Eier : Otto Barsten, Molde, (06.10.72),
1993 : Ut av skipsregisteret som kondemnert, (05.07.93).

Info og historikk "MEGA MAMMUT" :

Bygd som "STERKODDER" i 1957 ved Ankerløkken Verft i Florø, 38.5 m, 264 brt,  JWPZ,  IMO 5340821,
1957-1980 : "STERKODDER", Norsk Bjergingskompani, Bergen,
1980-2003 : "MEGA MAMMUT", Ødegaard Berging AS, Ålesund,  (21.01.80),
2003 :  Solgt til Dominica,  (22.10.03).

"BETON" ligg i fjæresteinane på inste Vardholmen, Bolsøya 09.01.1992.

"BETON" klar til å bli slepa ut på flo sjø, inste Vardholmen, Bolsøya 09.01.1992.

Slepebåten "MEGA MAMMUT" frå Ålesund klar til å berge "BETON ved Bolsøya 09.01.1992.

Mannskap frå "Mega Mammut" drar over til "Beton for å ordne med slepewire.

"MEGA MAMMUT" har bakka inn på bukta og fått fast slepewire.

"MEGA MAMMUT" har fått sleper ombord i "BETON"

Slepewiren er strekt opp og det er klart til å trekke "BETON" av grunnen.

"BETON" legg seg over på sida i det slepebåten gir gass og drar med full kraft. "BETON har vel aldri akselerert så fort nokon gong.

"BETON" er trekt av grunnen og blir etter kvart slepa vidare til Molde. Bolsøya 09.01.1992.

BONUSBILDE :   Berginga av fiskebåten "Inger Hildur" på Tøndergård. Her var det slepebåten "MAX MAMMUT" frå Ødegaard Berging i Ålesund som gjorde jobben. Tok dette bildet 02.01.1992.

"INGER HILDUR", M-100-F slepes vekk frå Tøndergård av slepebåten "MAX MAMMUT", 02.01.1992.