Skråhola - Husmannsplass på Nesjestranda

Skråhola var ein gammel husmannsplass som låg under Nør Gribbestad, gnr 128-2 på Nesjestranda.
I "Bygdabok for Nesjestranda" står det litt om familien som budde i Skråhola. Det var kjent busetning frå 1840 til 1882.  I henhold til bygdaboka skal det fortsatt finnes rester av husmurer på plassen.

I 1865 hadde familien i Skråhola 1 ku og 3 sauer samt dyrka både potet og havre.

Skråhola (Skråhålå) er eit interessant kulturminne i Molde Kommune som sannsynlegvis ikkje er registrert eller i alle fall bortglemt.  Plassen har kanskje mest interesse for etterkommarane av folket som budde der. Skråhola ligg ca 200 m vest for småbruket Stranda (Gribbestadstranda), gnr 128-4.

Tok meg ein tur for å undersøke kva som er igjen av kulturminner på denne husmannsplassen. Eg har ikkje vore der før, så eg måtte leite litt for å finne den. 

Eg gjekk rett ned frå Litlegjerdet der gamlevegen til Horsgård Sag og Tønnefabrikk tek av frå hovedvegen. Gamlevegen heiter no Horsgårdvegen og hovedvegen (Fv 195) har fått namnet Langfjordvegen. 

Kom om litt ned til ei flate i terrenget. Var no inne i eit ganske tett plantefelt med store grantre og det var ikkje så lett å få oversikt. Fann så ein steingard midt inne mellom dei store granene. Litt lenger austover fann eg også restane av ein husmur. Det var ganske gjenvokst med store grantre og ein del lauvtre. Inne i murane hadde det vokse opp 4 bjørketre og ei stor gran låg truande på skrå over. 

Litt lenger austover var det også restar etter hus #2, men dei var mindre synleg.  Her hadde det blitt planta gran rett gjennom det som sikkert hadde vore eit lite tun med eit par små hus og litt kulturlandskap. Plassen såg veldig karrig ut, ingen tegn til dyrka mark no. Plassen hadde no gitt tapt for naturen.

Må ta med litt meir informasjon frå "Bygdabok for Nesjestranda" om folket frå Skråhola. Dette er informasjon som nok er mest interessant for familien Gjenstad i Molde, men også for andre som er interessert i slektshistorien til ein av dei store gründarane i Molde by. Skråhola var nemleg heimplassen til kona til Jørgen H. Gjenstad. Han starta opp med malerforretning i Molde i 1880. Denne eksisterer fortsatt under firmanavnet Malia Gjenstad. Sjå bilde nedanfor med firmahistorikk som er henta frå firmaets nettside : www.gjenstad.no.

Her er litt meir av slektshistorien til familien i Skråhola henta frå "Bygdabok for Nesjestranda" :

Iver Iversen Indre Slemmen (1800-1897) kom til Skråhola ca 1840 og tok namnet Gribbestad. Han gifta seg i 1833 med Ingeborg Hardersdt Holm (1813-1846), Dei fekk 4 døtre. Datter nr 2 var Randi Iversdt. Gribbestad (1842-1939).  Randi flytta til Bolsø i 1873 og gifta seg i 1876 med Jørgen H. Gjenstad (1839-1919). Han var målarsvenn frå Sunndal. Jørgen etablerte målarforretning i Molde i 1880. Forretninga vart seinare utvida til å omfatte jernvare og bygningsartikler. Randi og Jørgen fekk eit barn, Halvor J, Gjenstad (1877-1974). Han tok over forretninga etter faren. Halvor gifta seg i 1917 med Hanna Kristine Hansdt Aaram (1882-1959).  Hennes slekt er å finne under garden Nedre Bergsvik, gnr 119-1 på Nesjestranda. Halvor og Hanna fekk 5 barn. Eldste gutten heitte Jørgen H. Gjenstad (1918-1981) etter bestefaren. Han tok over målarforretninga etter faren. Han vart gift med Rigmor Grydeland og fekk 3 barn. Eldste sønnen Jan Helge tok over som medeier i firma Jørgen H. Gjenstad og er fargehandler i 4. generasjon etter Randi frå Skråhola. Iver I. Gribbestad (1800-1897) flytta til Randi og Jørgen i Molde i 1882 og døydde der i 1897, 97 år gammel. Skråhola vart dermed fråflytta i 1882.

Steingard i Skråhola, 04.05.16. Sett frå sørvest.

Steingard i Skråhola, 04.05.16. Sett frå nordvest.

Rester av husmur, Skråhola 04.05.16.

Rester av husmur, Skråhola 04.05.16.  Sett frå nordvest.

Rester av husmur, Skråhola 04.05.16.  Sett frå vest.

Rester av husmur, Skråhola 04.05.16. Sett frå sørvest.

Rester av husmur, Skråhola 04.05.16. Rester etter bygning # 2.

Firmahistorikk, Malia Gjenstad.

Horsgårdrunden

Nytt år og nye sjanser. Vi benytta denne andre dagen i 2016 til å gå Horsgårdrunden.

Vi starta Horsgårdrunden ved nyvegen i Ytre Horsgård. Her går ein opp ein skogsveg som tar av rett vest for Ytre Horsgårdelva. Her ser vi blant anna ei demning i elva. Dette er inntaksdammen til det private kraftverket i Horsgård. Frå inntaksdammen går vannet i rør ned til kraftstasjonen nede ved sjøen. Dette kraftverket er fortsatt i drift. Trimrunden følger skogsvegen opp og vestover heilt til den snur østover. Då går ein på sti vidare vestover til ein kjem inn på skogsvegen frå Gribbestad. Etter ei stund treff ein på den første postkassa med mulighet til å skrive seg inn i ei turbok. Turen fortsett på fin skogsveg vidare vestover. Det blir flott utsikt ned på Langfjorden. Skogsvegen snur like ovanfor småbruket Teigan og fortsett østover og ned til garden Ytre Gribbestad. Her gjekk vi ned på bilvegen (Langfjordvegen som den heiter no) og fulgte den til Litlegjerdet der Horsgårdvegen tek av. Dette er den gamle bygdavegen til Horsgård. Turen fortsett på Horsgårdvegen ned Litlegjerdsbakken og forbi småbruket Stranda (Gribbestadstranda). Eit stykke forbi småbruket er det ei ny postkasse med turbok. Deretter er det berre å følge vegen ned til sjøen ved Horsgård Sag og Tønnefabrikk. Herifrå er det best å gå opp den bratte Sjøvegen tilbake til hovedvegen i Ytre Horsgård. "Sjøvegen" var husvegen til Ytre Horsgård fram til nyvegen kom i 1972.

Heile Horsgårdrunden er på 5.59 km (utmålt i kart). Sjå kart over turen nederst i innlegget.

Anbefaler alle å prøve denne fine turen i variert terreng.  Klikk på bildene for å få dei større.

Martin og Ida på skogsvegen i Ytre Horsgård, 02.01.16.

Her tar ein av frå skogsvegen og går på sti vestover eit par hundre meter til skogsvegen frå Gribbestad.

Martin på skogsvegen frå Gribbestad. Vi er snart på turens høgaste punkt.

Ida skriv seg inn i Turboka ved skogsvegen frå Gribbestad. 02.01.16.

Dårleg forsøk på "selfie".

På Gribbestad-skogsvegen.

Utsikt vestover Langfjorden mot Holm og Åfarnesnakken.

Martin,  Fin utsikt ut Langfjorden. Vi ser blant anna Oksen, Hestholmen og rett mot Vågstranda. 02.01.16.

Utsiktsplass ovanfor småbruket Teigan. Vi ser blant anna den kjente profilen til fjellet Tarløysa til høgre i bildet.

Martin og Ida passerer garden Nør Gribbestad. 

Ida har funne postkasse #2 og skriv seg inn i turboka.

Martin ved postkasse #2 ved Horsgårdvegen.  02.01.16.

Kart over Horsgårdrunden. 

Tur til Morkanebba og Skarven 25-Jul-2013

Eg vokste opp på garden Reitan, ca 6 km øst for Sølsnes. Der såg vi rett over fjorden mot fjella Tarløysa, Ølsnosa og Morkanebba. Hadde ofte snakka om å ta turen opp på Morkanebba, men det hadde ikkje blitt noko av. Det hadde blitt med tanken heilt til denne fine julidagen i sommer, då eg bestemte meg for å ta turen. Tok ferga over til Åfarnes og køyrde innover til Holm. Fortsatte opp vegen til Slemmen og Mork og fann P-plass for skogsveg opp på fjellet. Denne skogsvegen går kun opp på flata mellom Morkanebba og Tarløysa. Der vegen slutta var det svært dårleg sti i tungt, myrlendt terreng innover til Inste Slemmesetra. Her var det nesten berre ruiner etter gamle seterstøler, men fann ei gammal intakt seterbu mellom nokre store grantre. Desse grantrea var nok planta den gongen det var meir drift på denne setra. Trudde eg skulle finne ein sti opp frå Inste Slemmesetra og til Stornebbdalen mellom Morkanebba og Skarven, men den gang ei. Der det kanskje har vore sti ein gong var det stort sett gjengrodd av tett skog og bregner. Kom meg opp lia og endte opp på sørsiden av Stornebbdalen i foten av Skarven. Det vart derfor enklast å fortsette rett opp på Skarven først. Hadde tenkt å gå dei to toppane i motsatt rekkefølge. Frå Skarven var det fint og lettgått terreng ned i Stornebbdalen. Kryssa dalen og gjekk opp på Morkanebba, 690 m.o.h. Her var det som antatt svært fin utsikt over Langfjorden mot Stor Skåla og gardane langs fjorden frå Årset til Indre Horsgård. Returen ned frå Morkanebba gjekk i samme bratte lia ned til Inste Slemmesetra og vidare ned til skogsvegen. Det var merkeleg nok lite spor av ferdsel på dei to toppane, ingen turbøker å sjå. Det såg ut til at lokalbefolkninga på Holm og i Mittet brukte desse fjella lite. Det er nok andre fjell på denne sida av Langfjorden som er meir forlokkande enn desse to.  Konklusjon : Flott tur med kjempefin utsikt. Her er ein del bilder frå turen :

Utsikt mot Morkanebba og Skarven frå ferga Sølsnes - Åfarnes, 25.07.13.

Utsikt opp mot Morkanebba frå enden av skogsvegen opp frå Indre Slemmen, 25.07.13.

Ruiner på Inste Slemmesetra, 25.07.13.

Gammel seterbu godt skjult mellom store grantre på Inste Slemmesetra, 25.07.13. 

Utsikt nordvestover mot Langfjorden og Sølsnes frå Inste Slemmesetra. 25.07.13.  

Utsikt frå oppstiginga til Skarven. Vi ser nordvestover mot Langfjorden med Veøya og Sekken.  25.07.13. 

Utsikt nordover mot Morkanebba. Frå oppstiginga mot Skarven. 25.07.13.  

Ein sliten kar tek pause på veg opp mot Skarven 25.07.13. 

Frå pauseplassen tok eg eit bilde mot Nesjestranda 25.07.13.

Utsikt frå Skarven, 835 moh. Vi ser mot Mittetdalen og i retning mot Måsvassbu. 25.07.13.    

Utsikt frå Skarven, 835 moh. Vi ser sørover mot Romsdalshorn og Store Trolltind. Fremst er Bolfjellet.  25.07.13.     

På Skarven, 835 moh. Morkanebba rett bak, lenger bak er Horja og Lille Skåla. 25.07.13.   

Utsikt frå Skarven, 835 moh. Vi ser mot Tarløysa og Herjevatnet.  25.07.13.   

Utsikt frå Skarven, 835 moh. Vi ser mot nordvestover Langfjorden med Holmsholmen, Veøya og Sekken. 25.07.13.  

Utsikt frå Skarven, 835 moh. Vi ser mot Morkanebba og Langfjorden. 25.07.13.  

På Skarven, 835 moh. Utsikt mot Skåla, Stor-Skåla og Skålaksla. 25.07.13. 

Tjern i Stornebbdalen mellom Skarven og Morkanebba. Her renn vatnet østover. 25.07.13.

Det øverste av 3 tjern i Stornebbdalen mellom Skarven og Morkanebba. Her renn vatnet vestover. 25.07.13.     

Morkanebba 690 moh. Utsikt mot Langfjorden og Stor-Skåla.   25.07.13.   

Morkanebba 690 moh. Utsikt vestover mot Langfjorden.   25.07.13.

Utsikt frå Morkanebba over Stornebbdalen til Skarven, 835 moh i sør. 25.07.13.     

Morkanebba 690 moh. Utsikt mot nordøst. 25.07.13.   

På Morkanebba 690 moh. 25.07.13.

Alf på Morkanebba 690 moh. 25.07.13. Denne varden ligg fremst på Morkanebba.   

Denne varden står heilt framme på Morkanebba. Utsikt over mot Skåla, Stor-Skåla og Skålaksla. Vi ser også Horsgård og Langfjorden. 25.07.13.

Utsikt mot Ytre Horsgård frå Morkanebba. 25.07.13.    

Utsikt mot Gribbestad-gardane frå Morkanebba. 25.07.13. 

Utsikt mot Reitan frå Morkanebba, 25.07.13. 

Utsikt mot Årset-gardane frå Morkanebba, 25.07.13.

Utsikt ned mot Holm og Holmsholmen frå Morkanebba, 25.07.13.    

Utsikt mot Stor-Skåla og Skålaksla frå Morkanebba, 25.07.13. Vi ser løa i Indre Horsgård nederst i bildet.                                       

Utsikt mot Horsgårddalen og Stor-Skåla frå Morkanebba, 25.07.13.  Vi ser Ytre Horsgård nederst i bildet.  

Utsikt sørover mot Vengetindane og Romsdalshorn frå Morkanebba, 25.07.13.   

Utsikt mot Skarven frå Morkanebba, 25.07.13.
Vi ser det nederste tjernet som har vannfall vestover.     

Det nederste tjernet i Stornebbdalen. 25.07.13.

På skogsvegen ned mot Slemmen. Utsikt over Langfjorden mot Stor-Skåla. 25.07.13.   

Ved dette vegkrysset på Slemmen starter skogsvegen opp på fjellet. Kan køyre bil opp til ein lunningsplass. Vi ser dei 3 ryggane som utgjer Morkanebba. 25.07.13.

Vegkryss på Slemmen, 25.07.13.   

Utsikt mot Morkanebba frå Holm. Skarven til høgre. 25.07.13.