Bygging av kraftmaster på Horsgårdkollen - Status pr 01.05.2020.

Tok meg ein tur opp på Horsgårdkollen / Brenslefjellet i dag. Ville sjå kordan det går med Statnett's bygging av nye master til fjordspennet over Langfjorden. Det har vore stor aktivitet på fjellet i lengre tid. 3 kabler over fjorden er tatt ned og fjerna. 4 gamle master er også tatt ned og fjerna. Vegen opp på Horsgårdkollen er utbedra for biltrafikk heilt opp. Statnett har støpt ferdig fundament for 3 nye master og ei mast er nesten ferdigbygd. Nede på flata ved Horsgårdsetra er det laga ein stor lagringsplass for utstyr og materiell. Fonna Fly hadde også ein tilhenger med jetfuel plassert der (helikopter-drivstoff). Men helikopteret var fortsatt parkert på Malo. Det er ganske omfattende inngrep i naturen som har blitt gjort. På toppen av Horsgårdkollen er det også laga ein stor lagringsplass / snuplass og all skog er fjerna.  På framsida av Horsgårdkollen (også kalla Brenslefjellet) er heile fjellsida ned mot sjøen verna som naturreservat. Sjå kartutsnitt nederst i innlegget.  Mykje helikoptertrafikk over området i mange år har ødelagt biotopen for mange fuglearter.

Det er fortsatt mykje arbeid igjen. Sjå bildene og sammenlign med bilder i mitt tidlegare blogg-innlegg frå Horsgårdkollen i 2011 : https://borg-fotoblogg.blogspot.com/2011/11/tur-til-kollen-og-buviksetra.html . 

Ei ny mast er bygd på Horsgårdkollen, 01.05.2020.

Området på toppen av Horsgårdkollen har blitt totalt forandra etter store inngrep. 

2 gravemaskiner kviler med flott utsikt mot Langfjorden.

Fundament for dei nye mastene er støpt. Her skal det bygges ei mast. Det ser ut til at mastene monteres på plassen

Her er dei gamle fundamenta til ei av mastene som har blitt fjerna. Dei nye masten blir montert lenger vest enn dei gamle. Det er satt opp gjerde mot stupet ned til høgre bildet. Vi ser også traseen til kraftlinja opp mot Bordalen i venstre billedkant.

Langs denne smale ryggen med bratt stup ned skal mastene bygges. 

Tok meg ei matpause på den høgaste toppen med flott utsikt, (362 m.o.h.)

Ryggen på Horsgårdkollen. Den eine av dei 4 gamle mastene stod omtrent der gjerdet slutter. Vi skimter så vidt vegen som kjem opp frå høgre.

Den høgaste "toppen" på Horsgårdkollen ser ganske dramatisk ut. Her er det luftig og langt ned til Langfjorden. Høgda er 362 m.o.h.

Gravemaskinene står stille på 1. mai. Vi ser også 4 fundament til ei ny mast.

Lengst vest på ryggen er det fortsatt litt byggevirksomhet.

Her bygges muligens fundament til mast #4.

Flott utsikt opp mot Stor Skåla, 1128 m.o.h. 

Stor snuplass der vegen kjem opp. Her kan ein køyre opp med bil.

Gravemaskiner på Horsgårdkollen, 01.05.2020.

På flata der det tidlegare var seter (Horsgårdsetra) er det anlagt ein kjempestor lagringsplass.

Lagringsplass for utstyr og materiell på Horsgårdsetra. 01.05.2020.

Vege opp på baksida av Horsgårdkollen er oppgradert som bilveg. Her er den einaste svingen på vegen opp.

Metallskrot frå dei gamle mastene er lagra nede på den store lagringsplassen. 01.05.2020.

Horsgårdkollen sett bakfrå. Vis ser vegen oppover og at all skog er fjerna på toppen.

Eit stykke lenger ned i vegen står dette skiltet som viser at området er freda som naturreservat. Det gjeld fjellsida ned mot Langfjorden heilt til elva Hoåna i øst. Dette området er lokalt kjent som Brensla.  01.05.2020.

Kartutsnitt som viser Naturreservatet som grenser til byggeområdet for kraftmastene på Brenslefjellet eller Horsgårdkollen.

Tur til Hoåneset

Tok ein søndagstur ned til Hoåneset. Det var første gongen eg har vore der. Dette er ein plass som høyrer til under Indre Horsgård. Hoåneset ligg litt vest for elva Hoåna som er grense mellom Molde og Nesset kommuner. Dette var opprinneleg ein liten plass, men i dag er det eit lite hyttetun. Det såg ikkje ut til å vere mykje brukt. Dagens eier bur vissntok på andre siden av Langfjorden. Plassen ligg svært vanskeleg til og det er ikkje så enkelt å komme seg ned den bratte lia frå vegen. Der er ingen tydeleg sti, så mesteparten av trafikken dit har nok gått med båt. Før vegen kom i 1989 var båt det einaste mulege framkomstmiddelet. Hoåneset er eit lite nes som stikk litt ut i Langfjorden og dei som har reist forbi sjøvegen har kanskje sett eit glimt av hytta der.  Uansett eit morsomt besøk på ein plass som eg trur er lite kjent for dei fleste folk på Nesjestranda i dag. Her er nokre bilder :

Utsikt ned mot hytta på Hoåneset 29.03.15. Bildet er tatt oppe på ein høg berghammer som ligg rett ovenfor hytta. Her måtte det litt klyving til for å komme ned. 

Hytta på Hoåneset, 29.03.15.

Hytta på Hoåneset, Måtte vere med på eit bilde sjølv også.

Hoåneset med utsikt vestover Langfjorden, 29.03.15.

Hoåneset sett frå vest. 29.03.15.

Hyttetunet er ikkje så godt å få øye på oppe i skogen. Dette bildet er tatt nede frå skogkanten på Hoåneset. 29.03.15.

Hoåneset, utsikt østover Langfjorden.  29.03.15.

Båtstøa låg rett øst for Hoåneset og dei hadde nok god ly for vestavinden bak den digre steinen.

Hytta på Hoåneset sett frå båtstøa.

Det var også ei lita sikringsbu på Hoåneset.

Hytta på Hoåneset sett frå øst.  29.03.15.

Hoåneset sett frå øst. Utsikt vestover Langfjorden. Vi ser blant anna ferga mellom Sølsnes og Åfarnes og Hestholmen. 29.03.15.

Dette er elva Hoåna like før ho renn ut i Langfjorden. Det var lita vassføring no. 29.03.15.

Her renn elva Hoåna ut i Langfjorden. Dette er grensa mellom Molde Kommune og Nesset Kommune.  29.03.15.

Tur til Gammelstøa i Indre Horsgård, Nesjestranda

Benytta fineveret  i dag til ein kortreist tur i utkanten av heimbygda. Dagens korte turmål var Gammelstøa i Indre Horsgård. Dette er nok ein ukjent plass for dei fleste, meg inkludert. Har tenkt i mange år på å ta turen dit for å sjå etter rester av kulturlandskap. Som navnet tilseier har det i "gammel tid" vore ei båtstø her. Navnet går også igjen i form av Gammelstøbukta og Gammelstøneset. Her er det svært bratt og ulendt terreng og denne lille bukta var nok den einaste plassen folk her kunne ha mulighet til å komme seg på sjøen med båt. Kombinert landbruk og fiske på fjorden var nok svært viktig på slik ein liten plass.

Rett opp for Gammelstøa er det rester av den gamle plassen Horsgårdhaugen eller Haugan (hauanj).

Denne plassen var også tidlegare kalla Horsgårdgjerdet. Her er det fortsatt dyrka mark som ligg på ein lun plass. Her står det i dag ei gammel høyløe som fortsatt inneheld ein del tørrhøy. Det er no anlagt traktorveg heilt ned til sjøen i Gammelstøbukta. Det er uvisst kven som har opparbeidd denne skogsvegen og kor lenge sidan det er. Uansett er det ein fin spasertur i stort sett unnabakke ned til sjøen. Vegen passerer forbi høyløa og vidare bratt ned til sjøen. Om namnet Gammelstøa kjem frå at folket på Haugan hadde stø der, eller om det er eit endå gamlare namn er uvisst.

Litt historikk om denne plassen er å finne i "Bygdebok for Nesjestranda" og i boka "Stadnamn i Molde Kommune" av Kåre Magne Holsbøvåg.

Horsgårdhaugen var ein plass under Horsgårdreiten, gnr 130/1. Plassen var truleg rydda av ein Knud Olsen Buvik (Hoånes), født i 1758. Plassen vart bygsla i 1796 og då kalla Horsgårdgjerdet. Han rydda plassen og sette opp hus der. Knud Olsen Buvik hadde også eit hus på plassen Hoåneset (gnr 130/3) som låg vest for utløpet av elva Hoåna på grensa til Nesset kommune. Husa på Haugan vart flytta opp til noverande tun ca 1850. Dyrkamarka vart slege fram til 1950-åra og høyet bore opp på ryggen. Horsgårdreiten var opphavleg ein plass under garden Indre Horsgård, men vart utskilt som eget bruk etter matrikulering i 1875.

Siste gårdbruker på Horsgårdreiten var Olaf Barstein. Han var sønn til Marit Olsdatter Barstein. Ho gifta seg i 1914 med småbruker Jakob Horsgård og den då 14-årige sønnen Olaf vart med på flyttelasset.  Marit Olsdatter Barstein var opprinneleg frå gnr 121 Aasen på Nesjestranda og ho flytta med foreldra til Barstein i Nesset i 1885. Som vi ser av denne historia døydde den opprinnelege greina av slekta til Jakob Horsgård ut med han. Dagens eigar og bebuar på Horsgårdreiten er Arne Juberg.

Indre-Horsgårdselva går ut i sjøen i eit trongt gjel litt vest for Gammelstøbukta. Som bildene lenger ned viser går elva i eit vanskeleg terreng, men dei fleste som har reist forbi med båt har nok sett dette spesielle elveutløpet. Lurer litt på kva for geologisk fenomen som har laga denne revna, for det ser ikkje ut som det er elva som har laga dette spesielle elveløpet. Mest sannsynleg er dette eit resultat av isbre-arbeid. Eit stykke ned for fyllinga over nyvegen stod det ei oppgangssag som tilhøyrde Indre Horsgård (gnr 130/2). Der var det også eit vasshjul som med snoroverføring opp til løa skaffa drivkraft til trøskemaskinen på garden. Under min befaring kunne eg kjenne igjen det som sannsynlegvis var restane etter "grunnmurane" til denne saga eit lite stykke ovanfor plassen Haugan.

Nok historikk, her er er bildene :

Her låg plassen Horsgårdhaugen eller Haugan. No er fortsatt dyrka-marka og ei høyløe igjen som kulturminner.  14.03.15.

Høyløa på Haugan, 14.03.15.

Inne i høyløa er det fortsatt igjen litt tørrhøy.  14.03.15.

Plassen Haugan låg på ein lun plass eit stykke opp frå sjøen rett aust for Indre-Horsgårdselva. 14.03.15.

På den nederste attlega på Haugan var det planta edelgran.  14.03.15.

Indre-Horsgårdselva renn i eit trongt gjel ned mot sjøen. 14.03.15.

Frå Indre-Horsgårdselva. Omtrent her kan eg tenke meg at den gamle oppgangssaga stod. 14.03.15.

Dette er frå den siste delen av skogsvegen ned mot Gammelstøa. Det er litt gjengrodd nederst. Bakken er ganske bratt.  14.03.15.

Gammelstøbukta. Kunne ikkje finne noko rester av båtstø. 14.03.15.

Fin utsikt frå Gammelstøneset innover Langfjorden og over mot Mittet. 14.03.15.

Gammelstøbukta sett frå vest med Gammelstøneset. 14.03.15.

Utløpet til Indre-Horsgårdselva litt vest for Gammelstøbukta. Elva går gjennom eit trongt gjel og rett ut i Langfjorden. 14.03.15.

Utløpet av Indre-Horsgårdselva sett frå sjøsida. Her må det nok ha vore ein isbre som har laga elveløpet. 14.03.15.

Utsikt mot Gammelstøneset frå utløpet til Indre-Horsgårdselva. 14.03.15.

Eit siste bilde frå Gammelstøbukta og Gammelstøneset. 14.03.15.