Bilder frå Nesjestranda

Her kommer diverse bilder av likt og ulikt frå heimbygda mi Nesjestranda.


04-Jun-2011 :   Tur til Banhammaren.
Banhammaren er ein stor hammar ved sjøen på grensa mellom gardane Reitan og Teigan. Det er ein høg hammar med overheng som stuper rett i sjøen. Rett vest for hammaren har det i alle år vore fiska etter lyr sidan det er ganske djupt. Banhammaren har fått sitt namn på grunn av ein hendelse som skjedde på 1700-tallet. Ei tjenestepike skal ha drept sitt nyfødte barn her. I Veøyboka #1 står det om ein hendelse i 1756 der ei tjenestepike vart dømt til å halshoggast etter å ha født ein unge i skjul og tatt livet av ungen. Dette kan vere opphavet til namnet, men det kan naturlegvis ikkje bekreftast. Historia er også tatt med i boka "Stadnamn i Molde Kommune" av Kåre Magne Holsbøvåg. Enklaste vegen å finne Banhammaren er å ta den gamle sjøvegen på Reitan. Dette er ein gammal sjøveg som vart brukt til å frakte ved ned til eit vedahus (veahus) som låg rett nedfor Reitan. Det er fortsatt rester igjen av vedahuset og der er fleire fortøyningsfester av jarn. Veden vart køyrt ned med hest på ein skrøpeleg sjøveg og skipa ut med båt frå dette berget. Frå denne sjøvegen kan ein ta dyretråkk/sti vidare østover til Banhammaren. Her er nokre bilder.


Sjøvegen på Reitan



Mur på Sjøvegen på Reitan.

Banhammaren sett mot øst

Banhammaren sett mot vest

Banhammaren, skimter Hegneset lenger i vest

Banhammaren ved Langfjorden

Stake rett vest for Banhammaren

Liljekonvall ved Banhammaren

Maiblomst ved Banhammaren



Stuttreist på Nesjestranda

Har blitt inspirert av dei spreke jentene på Facebook til å lage eit eget innlegg her på bloggen med fine stuttreiste turer. Dette er turer som eg har gått litt utanfor allfarveg og også for å oppsøke kulturminner og andre kjente og ukjente plasser i bygda. Starter med ein hard tur i Horja som inkluderte besøk av 2 kulturminner av "hedensk" opphav, eit godt kjent og eit mindre kjent turmål. Dette var "Finnen" og "Alteret" som begge er å finne øst på Horja.

02.06.11 : Tur til Finnen, Horja og Alteret.

Turen er lagt inn på kart på denne linken : http://kart.gulesider.no/m/ad8AZ .

Starta turen ved Skålsetervegen. Fulgte skogsvegen som går nordover på vestsiden av Skålvatna. Nesten i nordenden av det tredje Skålvatnet deler denne skogsvegen seg og ein avstikker går på skrå opp i lia under Dyrstadnebba. Fulgte vegen til den svinga sørover igjen, gjekk eit stykke i skogen og så opp ein bratt bakke. Kom dermed rett opp til det første målet for turen, Finnen. Finnen er ein stor stein som står eit stykke oppe i lia på nordøstsida av Horja.



Finnen



Finnen sett frå øst.

Gjekk frå Finnen og nedover mot Lomtjønna og der stod eit flott skilt merka "Finnen ca 300m,  Offerstein !".

Skilt til Finnen som står eit stykke øst for Lomtjønna.



Lomtjønna

Gjekk tilbake til Finnen og det såg ut til å stemme bra med avstand og retning frå skiltet. Fortsatte så oppover ryggen mot Dyrstadnebba og Horja. Her er det bratt og tung myr oppover til Dyrstadnebba. Det ser ut til å vere godt jaktterreng sidan eg passerte ikkje mindre enn 3 plattformer bygd oppe i tre i denne bratte lia. Her venter hjortejegarane på sitt bytte i seine haustkvelder. Dyrstadnebba er eit lite platå oppe i Horjalia på østsida av Horja. Den er best synleg frå Solemdalen. Flott utsikt ned mot Skålvatna og Skålsetra. Derifrå fortsatte eg bratt opp til Horja.

Utsikt frå Dyrstadnebba mot Andre Skålvatn og Skålsetra.

Fekk nokre regndråper på toppen av Horja og fortsatte rett sørover med retning Bergssetra. Her kan det vere litt vanskeleg å finne vegen ned. Det er bratt og ein stor granskog gjer det ikkje lettare. Fann ein liten bekk som eg fulgte ned til skogsvegen som går på nordsida av Bergssetra. Derifrå gjekk eg rett nedover til eg kom inn på skogsvegen som går opp frå Skålsetervegen. Kunne her med fordel ha gått østover og fulgt skogsvegen heile vegen ned.

Gjekk tilbake til startpunktet, men ville også ha med ein tur til Alteret. Starta derfor på nytt langs skogsveg og seinare sti opp til Alteret. Stien til Alteret er no ganske gjengrodd og ikkje heilt enkel å følge. Det finnes likevel fleire merker oppover langs stien, ein må berre følge godt med.



Skilt til Alteret ved Skålsetervegen.



Skilt til Alteret, her tar ein av frå skogsvegen.

Alteret

Alteret

Turen vart på ca 6.3  km.


Tur til Dombås og Dovrefjell

29.04.11 :

Fredag 29.04.11 tok vi turen til Dombås og Dovrefjell Hotell. Molde Marsjklubb skulle feire 30-årsdag med turmarsj og jubileumsmiddag denne helga. Det vart ei flott helg med kjempefint vårvær. Det var uvanleg varmt for årstida.

30.04.11 :  

På formiddagen køyrde eg ein tur opp til Fokstua. Tok ein liten tur i den oppmerka plankestien på Fokstumyra. Observerte både jordugle, sivspurv, bekkasin og lemen. Det var lite snø igjen på Dovrefjell, men våren hadde ikkje starta endå, ingen grønne spirer å sjå. Det var også lite fugleliv endå. Her er nokre bilder frå turen :



Observasjonstårnet på Fokstumyra.



Denne jordugla flaug forbi mens eg stod oppe i observasjonstårnet.



I mesteparten av den merka stien på Fokstumyra er det lagt planker.



Kart over Fokstumyra.

Fokstua Stasjon

Illsint lemen ved Fokstua Stasjon. Det er lemen-år i fjellet.

Dro tilbake til Dovrefjell Hotell på Dombås for å gå turmarsj i lag med dei andre medlemmene i Molde Marsjklubb.Det var lite oppmøte, men vi var vel 17-18 stk som gjekk marsjen (PV) på Dombås.

Før start på turmarsjen. Martin, Ida og Klara på trappa foran hotellet.



Turmarsj, PV på Dombås, vi passerer under Raumabanen.



Klara, Ida og Martin ved ein foss vi passerte under turmarsjen.



Fortsatt kraftig tjukk is i elva på Dombås. 

Dovrefjell Hotell,  Dombås

Om kvelden var det velkomstdrink i peisestua på hotellet. Deretter var det flott middagsbuffet. Etter oss kom det 2 busslaster med koreanere som også skulle ha middagsbuffet. Det vart derfor mange gjester på hotellet denne helga. Dovrefjell Hotell vart bygd som sjukehus av tyskarane under 2. verdenskrig. Det har blitt bygd på og forandra mange gonger og har blant anna eget svømmebasseng. Ungane var i bassenget på fredagskvelden og igjen på lørdag.



Ida og Anne Torill i peisestua på hotellet.

 
01.05.11 :

Vi køyrde heimover over Dovrefjell og Oppdal. På turen over fjellet var vi igjen heldige og fekk sjå lemen. Det var stor stas for ungane. Lemen er morsomme dyr, dei blir illsinte så snart ein blir for nærgåande.

 

Lemen på Dovrefjell.



Var også på leiting etter mogop. Denne vakre fjellblomsten finnes i høgfjellet i Sør-Norge. Den blomstrer tidleg på våren slik som her på Dovrefjell. Vi fann disse ved Hageseter litt før Hjerkinn.

Ida og Martin på Dovrefjell.

Utsikt mot Snøhetta frå Hjerkinn.