Tur til Litle Skåla, 06.07.2023

Gjekk ein tur opp på Litle Skåla, 901 m.o.h, i dag. Starta frå Skålsetra og gjekk stien opp Breiabotnen. Bratt og tungt opp skogen til over skoggrensa, men heldigvis ingen flue, klegg eller myggplage på turen. Over tregrensa var det ein svak vind var god å ha i varmen.  Det var sol og varmt ver heile dagen. På Skålsetra stod det skilt om båndtvang på grunn av sau på beite med Nofence-klaver. Tenkte desse gjekk i området rundt Skålsetra, men rakk igjen 6 sauer på stien opp. Det var 2 søyer med 2 lam kvar. Søyene hadde nummer 413 og 476 for den som er interessert. Uvisst kven som har sauer på Litle Skåla i år.

Turen opp til toppen tok lang tid på grunn av dårleg kondis og lite fjellgåing dei siste åra. Turen opp vart målt til ca 3.5 km med GPS. Tok ei lita matpause oppe ved varden. Gjekk så ein tur austover oppe på platået aust for toppen av Litle Skåla. Her var det fortsatt ein del store snøflekker.  Ein stor snøflekk låg fortsatt ned i eit tjern og gjorde det mulig med isbading for den som driv med slikt. Gjekk heilt aust på Litle Skåla og kika ned mot Reset mellom Litle Skåla og Stor Skåla. Returnerte mot varden på toppen i vest. Turen opp til Stor Skåla får bli ein annan gong med bedre kondis. Gjekk ned igjen på normalstien til Skålsetra. Total turlengde 9 km. Her er nokre bilder som dokumenterer turen.

Utsikt frå turen opp til Litle Skåla. Vi ser dei 3 vatna Brekkevatnet, Langvatnet og Vikvatnet. Lenger ut ser vi Veøya og Sekken.

Utsikt frå turen opp til Litle Skåla mot Vågane, Bolsøya og Molde.

Denne sauflokken gjekk i stien foran meg den siste biten opp på Litle Skåla. Søyene har nr 746 og 713 og går med Nofenceklaver.

Sauflokken på stien opp mot toppen av Litle Skåla. Fortsatt eit stykke igjen til toppen.

Nærbilde av sauflokken som beita undervegs opp på fjellet.

Ein snøflekk like før siste stigninga opp mot toppen av Litle Skåla. Stor Skåla ruver i bakgrunnen.

Sauflokken insisterte på å bli før meg til toppen av Litle Skåla.

Varden til Litle Skåla, 901 m.o.h. med flott utsikt mot Molde by.

Kaffepause ved varden på Litle Skåla.

Ved varden på Litle Skåla, 901 m.o.h.

Ein større snøflekk låg ned i eit lite tjern eller dam. Har var det mulig med isbading. Stor Skåla i bakgrunnen.

Lengst aust på Litle Skåla kan vi sjå ned på Reset mellom Skålene. Her må den som vil fortsette til Stor Skåla gå ned på Reset før vidare tur i bratt terreng opp til Stor Skåla. 1128 m.o.h.

Utsikt ned mot Horsgårddalen, Langfjorden og fjellet Morkanebba på sørsida av fjorden. Lenger bak ser vi litt av Romsdalsfjella. Herjevatnet er også så vidt synleg frå denne høgda.

Ein fjellvandrer på tur tilbake til varden på Litle Skåla.

Ein fjellvandrer på tur tilbake til varden på Litle Skåla.

Krypende dvergbjørk på Litle Skåla.

Fekk også tatt bilder av ei fjellrype.

Greplyng var ein av dei plantene som dominerte på bakken på Litle Skåla. Greplyngblomstene er svært små, bildet er tatt med telelinse.

Kort pause før turen ned frå Litle Skåla.

Her ser vi stien nedover ryggen på sørsida av Breiabotnen.

Tur til Seilhola i Litleskåla, Molde kommune, 30.09.2022

Fredag 30. september var det meldt fint vær. Dermed vart det fjelltur på meg. Bestemte meg for å prøve ein lenge planlagt tur på nordsida av Litleskåla. Hadde tenkt å sjå nærmare på "Seilhola/Seilholå" og om forma var god nok fortsette vidare for å sjå om eg kunne finne jakthytta til Ivar Tollås. 

Starta frå Skålsetra og gjekk etter stien opp Skållia til Breiabotnen. I staden for å følge stien vidare opp til toppen av Litleskåla slik som eg har gjort mange gonger før,  gjekk eg denne gongen over på den nordlege ryggen av Breiabotnen. Fortsatte vidare over ryggen og fulgte høgda vidare østover på nordsida av fjellet. Såg no ned på den delen av Litleskåla som er kalla Slettfjellet. Fortsatte ned på flata der eg passerte ein tydeleg sti som gjekk på øversida av Seilhola.

Primærmålet for denne turen var som nevnt eit stort søkk i fjellet som heiter Seilhola. Dette søkket i fjellet er godt synleg frå Solemdalen. Noko av fjellsida har her glidd ut ein gong i tida. Berget er så bratt at det fortsatt framstår som eit søkk i fjellet utan særleg vegetasjon. Det står litt om Seilholå i boka "Stadnamn i Molde kommune" av Kåre Magne Holsbøvåg.  Namnet er forklart som : "Eit seil er ein bøyg, boge, innsøkk i ein kant eller rygg". Hola/holå (dialekt) er muligens lagt til som forklarende tillegg i navnet. Vest i Seilhola var det eit høgt stup. Seilhola ligg i skygge mesteparten av dagen, så det er litt vanskeleg å få tatt bra bilder på grunna av stor forskjell i lyset. Tok også nokre bilder av Seilhola frå eit utsiktpunkt eit stykke nedfor stien i aust.

Etter ei kort pause ved Seilhola, gjekk eg vidare østover etter tydeleg sti. Nesten heilt aust i fjellet er det ei lita tjønn og ein haug. Haugen er kalla Slettfjelltuå. Gjekk ned til tjønna. Frå tjønna rann ein bekk med godt drikkevatn.

Eit stykke nedanfor tjønna er det eit skogholt med furu, gran og lerketre. Her fann eg sekundærmålet for turen. Det var den lille jakthytta som Ivar Tollås hadde satt opp.  Gardane på Solemdalen har teigar som går langt opp i fjellsida på denne sida av Litleskåla. Gjekk forbi eit moderne grensemerke frå 2011 like øst for Seilhola. 

Eg hadde no gått ca 5.4 km frå eg starta turen på Skålsetra.  Starta på 193 moh på Skålsetra og gjekk opp i ei høgde på 712 moh, så ned igjen til ca 455 moh ved jakthytta. Det var godt med ei matpause og medbragt kaffe. Gran og lerketre i skogholtet her må ha blitt planta, sidan det ikkje var slike trær andre plasser så høgt i fjellsida. 

Hadde tenkt å gå samme veg tilbake til Skålsetra langs østsida av Litleskåla. Men forma var fin og været var bra, så derfor valgte eg å gå rett oppover mot toppen av Litleskåla. Gjekk bratt oppover til eg kunne sjå  bort i Skåldalen som går opp til Reset mellom Litleskåla og Stor Skåla. Det vart ein fin tur i terreng som eg ikkje har besøkt før. Kom opp heilt øst på Litleskåla og fortsatte over den flate toppen til varden i vest. Etter ny mat og drikkepause var det berre å følge stien ned igjen via Breiabotnen og vidare ned Skållia til Skålsetra.

Turen frå jakthytta over toppen av Litleskåla og ned til Skålsetra var 6.1 km, (målt med GPS) så det vart litt lenger enn om eg hadde gått ned igjen samme veg som opp. Det vart nokre høgdemeter også. Frå ca 455 moh og opp til toppen på Litleskåla på 901 moh., så ned til Skålsetra på 193 moh. 

I dette innlegget er det 31 bilder med tekst. Klikk på bildene for å sjå større bilder.

Start på stien opp til Litleskåla frå Skålsetra. Stien går forbi setra til Sølsnes Gård og bratt opp Skållia til Breiabotnen, 30.09.2022.

Stien passerer denne gamle jaktposten like før ein er heilt oppe i Breiabotnen. Kaffekjelen heng klar til bruk. 

Utsikt nordvestover mot Røvik, Bolsøya og Molde. Nabofjellet Horja til venstre.

Fine haustfarger på turen opp Breiabotnen. Nederst var det skrubbær som bidro mest til rødfargen, lenger oppe tok rypebærlyngen over.

Utsikt frå nordsida av den nordlige ryggen til Breiabotnen oppover mot toppen av Litleskåla

Her var det mykje fargerik rypebærlyng. 

Har no komme over på nordsida av Litleskåla. Seilhola ligg framfor kanten omtrent midt i bildet.

Seilhola, eit bratt søkk på nordsida av Litleskåla der ein del av fjellet har rast ut ein gong i tida. 

Seilhola sett frå vest mot øst.

Har plassert meg på den vestlige kanten av Seilhola. 

Utsikt mot Solemdalen og Fannefjorden frå toppen av Seilhola. Vi ser også nye Molde Sjukehus under bygging på Opdøl på nordsida av Fannefjorden. 30.09.2022.

Seilhola sett frå aust mot vest. Dette søkket er godt synleg frå Solemdalen.

Selfie på austsida av Seilhola, Litleskåla, 30.09.2022.

Har gått eit godt stykke vidare austover. Her ligg ei lita tjønn. Haugen til høgre for tjønna heiter Slettfjelltuå.

Har gått nedover til den litle tjønna. Herifrå går det ein bekk med friskt og godt drikkevann.

Her er tjønna med utsikt opp mot Stor Skåla.

Jakthytta til Tollås, gnr 1/1. Hytta ligg ca 455 m.o.h.

Jakthytta til Tollås, gnr 1/1.

Matpause med kaffe ved jakthytta.

Matpause med kaffe ved jakthytta.

Utsikt mot Tollåsen og Fannefjorden.

Utsikt vestover mot Solemdalen og Molde.

Utsikt austover mot Kleive (til venstre). Vi ser også Fannefjorden og Osen. Vatnet lengst til venstre er Vasslivatnet som ligg ovanfor Nakken på Kortgarden.

Har starta på oppstigning mot toppen av Litleskåla. 

Eit godt stykke oppe i Litleskåla kan ein sjå bort i Skåldalen mellom Litleskåla og Stor Skåla.

Utsikt mot Stor Skåla frå nordaust på den flate toppen til Litleskåla. Her oppe er det mange små fjellvatn. Det er ca 1.2 km frå aust og til varden i vest.

Fleire vatn på Litleskåla.

Varden til Litleskåla, 901 m.o.h.  (På kart er det høgaste punktet markert litt lenger til høgre for varden. Høgaste punktet er der 900.8 m.o.h). 

Det var ganske vindfullt på toppen av Litleskåla. Vi ser toppen av Skåla / Stor Skåla i bakgrunnen.

Teppe med rypebærlyng ved stien ned frå Litleskåla. Rødfarga på rypebærlyngen ses best i motsol.

Har komme ned i Skållia, stien frå Skålsetra er nesten borte i alle bregnene.

Tok dette bildet av Seilhola i Litleskåla frå Solemdalen, 06.10.2022.

Seilhola i Litleskåla, utsikt frå Solemdalen, 06.10.2022.