onsdag 14. august 2019

M/S "With Junior" på Veøyfjorden

Onsdag 14.08.2019 kom det eit stort rødfarga lasteskip innover fjorden sør for øya Sekken i Romsdalsfjorden. AIS viste at det var skipet "With Junior" som kom. Såg skipet frå verandaen min i Havnevika i det den kom til syne gjennom Sekkesundet.. Den bakre krana var heva for løfting. Båten vart borte for meg bak Veøya, men såg den igjen i retning mot Åfarnes. Etter ei stund kom skipet ut igjen og med kurs mot nordvest rett mot Nesjestranda. Skipet gjekk sundet mellom Fyrholmen og Veøya og fortsatte så vestover på Veøyfjorden.
"With Junior" hadde vore på Åfarnes og levert bølgebrytarar til småbåthavna der. Skipet hadde lossa bølgebrytarane eit stykke frå land rett utanfor småbåthavna. Denne operasjonen hadde gått raskt og skipet gjekk no vidare i si rute nordover langs Norskekysten.

Historikk og tekniske data for M/S "With Junior" :

Bygd 2009 ved Moen Slipp AS, Kolvereid. Skrogverft : Riga Shipyard Ltd., Riga Latvia.
Levert i 2009 til Egil Ulvan Rederi AS, Trondheim.  2362 grt, 66.7 m. IMO 9418781.

Egil Ulvan Rederi åpna ny godsrute sommaren 2018 mellom Nord Troms - Hirtshals - Oslofjorden.
3 skip går i ruta, deriblant "With Junior". Denne godsruta er profilert under markedsnavnet "With Line". Skipene frakter all slags gods langs kysten. Mykje av lasta er fersk laks frå Midt Norge til Hirtshals for markedene i Europa. På Marine Traffic er skipet kalt palleskip (Pallet carrier).

Tok nokre bilder i det skipet passerte Veøya. Bildene er tatt med 600 mm zoomlinse.

"WITH JUNIOR" på tur gjennom sundet mellom Fyrholmen og Veøya, 14.08.2019. Eit tre kom nesten i vegen for meg, men rakk 1 bilde frå verandaen.

"WITH JUNIOR", passerer Veøya på tur ut Veøyfjorden, 14.08.2019. Skipet går i rute for With Line (Egil Ulvan Rederi AS, Trondheim).

"WITH JUNIOR", passerer Veøya på tur ut Veøyfjorden, 14.08.2019. Som dekkslast har skipet blant anna 2 fritidsbåter.

"WITH JUNIOR", passerer foran Hangholmen på tur ut Veøyfjorden, 14.08.2019. 

"WITH JUNIOR", passerer Sekkesundet på tur ut Veøyfjorden, 14.08.2019. 



Blogglistenhits

Ingen kommentarer:

Legg inn en kommentar