Grågås og Canadagås på Nesjestranda

Køyrde ein tur til Nesje i kveld og såg at i dag hadde det komme store flokker med grågås til bygda vår. Mange var på markene i Flovika, men mesteparten var på markene på Sør Nesje. I Flovika var det også 8-10 Canadagjess som gjekk i lag med grågåsa.  Gjessene har i år vore uheldig med været. I går hadde vi barmark og fint vårleg vær, men i dag kom det nordavind med kaldare luft og snøbyger. Markane var snødekte, så det var verre for fuglane å finne føde. Regner med at gjessene ikkje frys på beina i snøen, så dei klarer seg nok bra. Uansett er dette eit godt vårtegn på våre kanter. Om eit par dager er det meldt mildare vær med regn igjen.

Grågås i snø, Flovik, Nesjestranda 28.03.2020. 

Denne Canadagåsa hadde lagt seg ned i snøen, Flovik, Nesjestranda, 28.03.2020.

Eit par Canadagjess går vekk frå fotografen, Flovik, Nesjestranda, 28.03.2020.

Ein flokk med Grågås på Nesje, Nesjestranda 28.03.2020.

Mange grågjess som leita etter mat under snøen på Nesje, 28.03.2020.