fredag 17. april 2020

Fugler og dyr på Nesjestranda - 17.04.2020

I år var det dårleg vær gjennom heile påska. I dag var det endeleg slutt på nedbøren og sola gløtta fram av og til. Tok meg ein køyretur til Nesje og deretter innover til Nordstranda.

Det vart nokre bilder på ein slik tur. Det er mykje å sjå langs vegen om ein berre ser seg godt rundt. Gjekk ein liten tur på Fjærestien frå Tjønnholet til Nesjegjerdet og her fekk eg tatt bilder av årets første linerle. Linerla har komme til "rett" tid i år også, eit godt vårtegn.

Her er nokre av kveldens fauna-bilder frå Nesjestranda. Det er dyr og fugler som eg har tatt mange bilder av opp gjennom åra, men prøver å fange nye motiv på nye plasser på kvar tur.

Ute i Vevarneset fekk eg tatt nokre bilder av eit rådyr-par som gjekk på marka i lag med eit grågås-par. Eit litt uvanleg vennepar. Dei trekte seg litt unna vegen då eg kom.

Rådyrbukk, Vevarneset, Nesjestranda 17.04.2020.

Rådyrbukken i lag med eit grågås-par, Vevarneset, Nesjestranda 17.04.2020.

Rådyrgeit, Vevarneset, Nesjestranda 17.04.2020.

Grågås-par, Vevarneset, Nesjestranda 17.04.2020.

Gjekk ein tur ned mot Tjønnholneset. Der dukka det opp ein linerle i fjæresteinane som ikkje var redd for å bli fotografert.

Årets første linerle i fjæra ved Tjønnholneset, Nesjestranda 17.04.2020.

På Sør Nesje var det denne kvelden samling av grågås og 2 traner i dammen på marka til Lodve Nesje. Her har eg tidlegare fotografert havørn, så denne ferskvannsdammen nederst på marka er ganske populær.

2 traner og ein flokk med grågjess, Sør Nesje, Nesjestranda 17.04.2020.

Køyrde så innover til Nordstranda. På Nør Gribbestad vart eg møtt av ein hjort midt på vegen. Hjorten var tydelegvis på tur over vegen, men vegra seg og gjekk tilbake på øversida av vegen til resten av flokken på øversida av vegen. Talte ca 20 hjorter på Nør Gribbestad denne kvelden.

Hjort i vegen. Her var det berre å stoppe bilen og fram med kameraet. Bildet vart litt uskarpt sidan det er tatt gjennom frontruta. Nør-Gribbestad, Nesjestranda 17.04.2020.

Etter ei lita stund gjekk hjorten over vegen og opp til flokken på øversida av vegen. Bildet vart litt uskarpt sidan det er tatt gjennom frontruta. Nør-Gribbestad, Nesjestranda 17.04.2020.

Hjort, Nør-Gribbestad, Nesjestranda 17.04.2020.

Hjort, 6 stk, Nør-Gribbestad, Nesjestranda 17.04.2020.

Køyrde litt vestover igjen og ville gjere eit forsøk på å fotografere hjorteflokken som har tilhold på Nør-Årset. Køyrde litt ned i sjøvegen og venta ca 10 minutt før den første hjorten kom ned på marka. Denne hjorten vart var meg og luska vidare nedover mot Nerbøen og vart borte frå meg. Etter ei stund kom det fleire hjortar ned på marka. Det vart totalt 8 stk. Dei vart også oppmerksom på meg, men fortsatte å beite. Dei trekte sakte nedover mot Nerbøen og kom vekk nedfor bakken. Køyrde opp igjen. På marka nedfor løemurane på Nør Årset gjekk det fortsatt ein flokk på ca 10 hjortar. Så totalt i allefall 19 stk her på grden.