fredag 5. juni 2015

Sjøkreps frå sjarken "Findus" i Havnevika på Nesjestranda

Etter mange år med nedgang i den lokale fiskeflåten er det gledeleg å sjå at det fortsatt er mulig å drive med fjordfiske i Romsdalsfjordane. Sjarken "Findus" av Aukra med fiskerinummer M-12-AK har den siste tida hatt helgeligge i gjestehavna til Havnevik Småbåtforening på Nesjestranda. http://havnevik-smaabaatforening.no/index.html.
Eg fekk tatt eit bilde av båten første gong den 14.04.15. Seinare har eg tatt bilder av den ved gjestehavna i Havnevika den 01.05.15.

Det dukka så opp ein del informasjon på Facebook og fiskebåten er presentert med egen profil på Fb-siden : https://www.facebook.com/pages/Romsdal-Fjordfangst/836412526448576?fref=ts . Her var det litt meir informasjon om kva slags fiskeri dei dreiv med for tida.

I dag den 05.06.15 mellom kl 14 og 17 var det mulig å få kjøpe sjøkreps frå båten i Havnevika på Nesjestranda. Eg tok meg derfor ein tur ned i Havnevika for å dokumentere dette nye tilbudet. Snakka med 2 hyggelege fiskarar og dei kunne fortelle om brukbar respons på sjøkrepsen.

Sjøkrepsen vart fanga i teiner i "Moldefjorden" så det er ganske så kortreist sjømat. I tillegg hadde dei også teiner for fiske av kongsnegler (Buccinum undatum). Dette er vel ein delikatesse som selges i diverse restauranter rundt omkring i landet. Retten heiter vel muligens då noko slikt som : "Escargot de Norvege".

Meir info om kongsneglen finnes på Wikipedia : http://no.wikipedia.org/wiki/Kongsnegl .

Sjøkreps er ein type sjømat som eg er godt kjent med frå sjømat-måltider på offshore plattformer.

Håper no at det er eit lokalt marked for sjøkreps på Skålahalvøya slik at det blir mange fleire anledninger til å anskaffe denne delikatessen. Dette er lørdags-snadder på lik linje med hummer, krabbe og reker.

Som fiskerne sjølv skriv på sin Fb-profil : Perfekt mat å sparke igang sommeren med.