Viser innlegg med etiketten Trane. Vis alle innlegg

mandag 17. juni 2024

Fellestur til Vetavatna, 08.06.2024

Lørdag 08.06.2024 arrangerte Birdlife-MR fellestur til Vetavatna i Molde kommune (tidlegare Nesset kommune). Turledere var Øyvind Gjeldnes og Jon Bjarne Jordal. Turen starta frå Haugasetra (ei av "Rødsetrin") og gjekk gjennom bjørk og ospeskog ned til Vetamyra. Vi fortsatte langs dei 2 Vetavatna, Litle Vetavatn og Store Vetavatn. Jon Bjarne hadde med utstyr til fangst av sommerfugler og vi fekk interessant informasjon om både sommerfugler og blomster. Sommerfuglene vart fanga med hov for identifikasjon og så sleppt laus igjen. Så gjekk vi opp på Heian og passerte ei par mindre tjern. Der fekk vi sett blant anna ei par med smålom. Vi gjekk vidare gjennom gammel fjellfuruskog på leiting etter duetrost. Denne vart også observert på langt hold. Vi fekk også sett eit tranepar på turen. Retur via Vetamyra til Haugasetra. Totalt vart det sett og hørt 26 forskjellige arter deriblant dvergfalk, sivspurv og tårnseiler. 12 deltakere var med på denne interessante turen på ca 8 km i terrenget. Vi kosa oss med medbragt niste og kaffe/drikke på turen. Nedenfor er nokre bilder frå turen.

Turleder Øyvind Gjeldnes orienterer om turen før avgang frå parkeringa ved Haugasetra. Totalt 12 deltakere hadde møtt opp for å vere med på turen.

Turen starta ved Haugasetra.

Vi skuer innover mot Litle Vetavatn.

Turleder Jon Bjarne Jordal orienterer om flora og fauna.

Pause ved Litle Vetavatn. Vetafjellet i bakgrunnen.

Stopp ved Store Vetavatn for å kikre etter fugler.

Her har Jon Bjarne fanga ein Marimjellerutevinge. Fugler, sommerfugler og blomster vart registrert og lagt inn på Artsobservasjoner.

Kort pause ved gammelt kulturlandskap med blant anna ei gammel høyløe.

Ei gammel høyløe som har sett bedre dager.

På tur opp til Heian hadde vi flott utsikt mot Store Vetavatn.

Matpause ved ein stor stein (Flytteblokk) på kanten av Heian.

I den første tjønna på Heian hadde eit par smålom tilhold. Vi passerte tjønna på god avstand.

Øyvind Gjeldnes orienterer om siste del av turen gjennom gammel fjellfuruskog.

Eit tranepar varsla vår ankomst. Tranene her hadde fått uvanleg sterk rødbrunfarge som sikkert var meint som god kamuflasje. Farga kjem nok frå vatn med mykje jarninnhold (rustfarge).

Her kjem trane-far flygende.

Turgjengen på siste del av turen tilbake til Haugasetra.

fredag 30. april 2021

Naturbilder frå Molde Kommune 30.04.2021

Køyrde meg ein rundtur i Molde Kommune på den siste dagen i april. Det er fortsatt ein del snø igjen på markene og temperaturen er fortsatt lav 5-10 grader. Tranene har spredd seg utover i kommunen og deres høge rop kan høyrest mange plasser i kommunen. Endene har returnert til delvis islagte vatn.

Froskene har for lengst starta med å legge froskeegg. Men nattefrost kan føre til at ein del av egga går tapt. Kom over eit lite tjern med stor aktivitet rundt ein stor klase med froskeegg. På det eine bildet eg fekk tatt kan ein sjå 6 frosker.

Sjølv om tranene er blitt vant til biltrafikk er dei fortsatt ganske sky og trekker unna vegen om ein kjem dei for nær. Fekk tatt eit bilde av ei trane som tok til vingane. Ho hadde nok komme litt for nær bilvegen. Observerte totalt 14 traner på turen.

Alle bildene er tatt med speilreflekskamera med zoom-objektiv.

Her er nokre av bildene frå mitt "Naturmagasin" datert 30.04.2021 :

Trane, 30.04.2021. Det er fortsatt delvis snødekte marker.

Trane, 30.04.2021.

Laksand, hann, 30.04.2021.

2 laksender, hanner, 30.04.2021.

Kvinand, hann, 30.04.2021.

Kvinand, hunn, 30.04.2021.

Canadagås, 30.04.2021.

Siland, hann, 30.04.2021.

Frosker i ein stor klase med froskeegg. Det er totalt 6 frosker som titter opp av vatnet. Klarer du å finne alle ?

Tranepar, 30.04.2021.

Trane, 30.04.2021.

Trane i flukt. 30.04.2021.

fredag 16. august 2019

Traner på Lauvåsen, Røvik

Mange fuglearter har minka i antall og utbredelse dei seinare åra. Ein art som har utvida området sitt dei siste 10-20 åra er tranen. Frå å vere ein fugl du høyrde om som karakterfugl på Fokstumyra på Dovrefjell, har tranen vorte ein kjent fugl her lokalt. Sjølv vart eg fascinert av traner etter å ha sett Naturprogrammene frå Fokstumyra på NRK TV tidleg på 1970-tallet. Den gongen var det den flinke naturfotografen Mathis Kværne som filma blant anna traner på Fokstumyra. Har fortsatt 2 bøker som han ga ut om fuglelivet på Fokstumyra.

Alle som trafikerer RV64 på Skålahalvøya har vel sett traner på markene langs vegen. Markene på Lauvåsen i Røvik har vore svært populære hos lokale traner i mange år. Det er særleg morgen og kveld det er størst sjanse for å sjå tranene. Det er også lett å kjenne igjen det høge trompetropet til tranene. Desse varselropa kan ein også høyre frå traner i flukt.

I sommer har eit tranepar vore svært vanleg å sjå på Lauvåsen. Heilt til dags dato går traneparet og leiter etter mat på markene der. Dette kan vere eit par som har mislykka med årets kull, men det kan også vere eit yngre par som ikkje har hekka i år. Tranene hekker første gong i ein alder av 4 - 6 år. Hunnen legg 2 egg, så tranene får maksimalt 2 unger. Uansett er fuglane eit flott skue å sjå.

Har tatt meg tid til å stoppe opp nokre gonger for å fotografere fuglane viss dei har vore nær bilvegen. Bruker 600 mm zoomlinse og tar bildene frå bilen for ikkje å uroe fuglane. Siste dagen, (16/8) såg eg at begge tranene hadde tatt middagskvil. Hannen stod på eit bein med hodet kvilande på kroppen og sov eller halvsov. Hoa hadde lagt seg ned og "flata ut" i graset slik at ho var knapt synleg frå vegen. Det er godt gjort for ein stor fugl som trana å bli så usynleg som på dei siste 2 bildene. Trana er ca 110 - 120 cm høg og kan ha eit vingespenn på nesten 2.5 meter. Her er nokre av bildene :

12-AUG-2019 :